actualisau 06.03.2024

Calender d'occurenzas 2024

fotografias Bundi Gion

chor da catschadurs 2018

Ord ina sentupada d'entgins camerats da catscha dalla uniun da catschadurs Tödi, per sepreparar sin la sera da trofeas ei il chor naschius. Las empremas emprovas han giu liug a casa tier Carli Scherrer, nua che otg cantadurs ein serimnai per emprender duas treis canzuns da catscha. Quei ha plaschiu aschi fetg che ord quella sentupada ha ei dau ina proxima lu aunc ina ed ussa san ins buca semaginar ils catschadurs da Trun senza siu chor. Ils cantaturs san mirar anavos sin entginas bialas fiastas, nua ch'els han priu part e delectau igl auditori. Entgins puncts culminonts ein segiramein stai la messa da s. Hubert a s. Murezi igl onn 2008, las messas da s. Hubert cheu a Trun sco era a Mustér per l'uniun da catschadurs Péz Alpetta. Secapescha buca d'emblidar il concert daus a caschun dalla viseta on tiara Tudestga a Bad Mergentheim avon ina sala fullanada.