Ord ina sentupada d'entgins camarats da catscha dalla uniun da catschadurs Tödi, per sepreparar sin la sera da trofeas ei il chor naschius. Las empremas emprovas han giu liug a casa tier Carli Scherer, nua che otg cantadurs ein serimnai per emprender duas treis canzuns da catscha. Quei ha plaschiu aschi fetg che ord quella sentupada ha ei dau ina proxima lu aunc ina ed ussa sains buca semaginar ils catschadurs da Trun senza siu chor. Ils cantaturs san mirar anavos sin entgina biala fiasta nua ch'els han priu part e delectau igl auditori. Entgins puncts culminonts ei segiramein stau la messa da s. Hubert a s. Murezi igl onn 2008, las messas da s. Hubert cheu a Trun sco era a Mustér per l'uniun da catschadurs Péz Alpetta. Sacapescha buca d'emblidar il conzert daus a caschun dalla viseta on tiara Tudestga a Bad Mergentheim avon ina sala fullanada.